كتب: أحمد علي
وجه أيمن يونس، نجم الزمالك السابق، رسالة عتاب للاعب الزمالك المعتزل شيكابالا بسبب تصريحاته الأخيرة التي أدلى بها في مقابلة تلفزيونية مع الإعلامي إبراهيم فايق.
وعبّر أيمن يونس عن استيائه من بعض الأمور التي كشف عنها شيكابالا، مشيراً إلى أهمية الحفاظ على أسرار الفريق واحترام النادي.
قال أيمن يونس: “في لاعيبة كتير بتطلع تتكلم، خصوصاً المعتزلين اللي بيطلعوا على الشاشات وعايزين يطلعوا تريند .. حقكم كل واحد يتكلم ويبين اللي عنده واللي خباه وأسرار أوضة اللبس بالطريقة اللي هو عايزها .. لكن في أسرار تتقال وفي أسرار متتقالش .. مينفعش تقلل من قيمة ناديك بأي شكل.”
وأضاف: “أنا كأيمن يونس عندي أسرار في الزمالك واتحاد الكرة .. لكن ده احترام للمكان اللي أنا فيه.
حاجة مهمة أوي إن نجومنا المعتزلين ياخدوا بالهم منها.. مهم أوي لما اللاعيبة السابقة تتكلم تتكلم باحترام عن أوضة اللبس.
دي أسرار أوضتك وعلاقتك بزملائك وناديك، وأنا بحترم أوي اللاعيبة السابقين اللي بيطلعوا على الشاشات.”
جاءت هذه التصريحات من أيمن يونس بعد حديث شيكابالا عن كواليس خسارة الزمالك لنهائي دوري أبطال أفريقيا عام 2016 أمام فريق صن داونز الجنوب أفريقي.
حيث صرّح شيكابالا قائلاً: “ماكنش ينفع ناخد بطولة بالحاجات اللي كانت بتحصل .. كنا 14 لاعباً فقط، ودخلت على اتنين في الأوضة لقيتهم بيشربوا شيشة!”
تصريحات شيكابالا أثارت جدلاً واسعاً بين جماهير الزمالك ومحبي كرة القدم بشكل عام، حيث اعتبرها البعض كشفاً غير مبرر عن أمور داخلية كان من الأفضل أن تبقى طي الكتمان.
يذكر أن الزمالك سيواجه فريق فاركو في تمام الساعة التاسعة مساء يوم الثلاثاء 26 أغسطس على ستاد القاهرة الدولي.
Share this content:
إرسال التعليق