تعرف على خريطة أسعار الذهب للبيع والشراء بسوق الذهب المصري الأحد 19 أبريل 2026

كتبت: نيفين عمر                       

نرصد لحضراتكم أسعار الذهب صباح اليوم الأحد 19 أبريل 2026، مقارنة بأسعار صباح أمس، في البورصة وأسواق الصاغة المصرية الجملة والتجزئة.

ووفقًا للبيانات المحدثة من محلات الصاغة العمومية، بلغ سعر الذهب عيار 21 الأكثر تداولًا في مصر حوالي 7030 جنيه للجرام الواحد للبيع للمستهلك.

ويجب العلم بأن سعر الذهب يتأثر بشكل كبير بالتغيرات في الأسواق المحلية والعالمية بشكل لحظي، مما يجعلها مؤشرًا مهمًا للحالة الاقتصادية.

ويظل عيار 21 الخيار الأكثر شيوعًا في عمليات البيع والشراء، خاصة في محافظات الصعيد، حيث يعتبر هذا العيار الأكثر ملاءمة للأذواق المحلية ومتطلبات السوق.

أسعار الذهب اليوم

سعر الذهب اليوم في مصر كالتالي:

عيار 24: سعر البيع 8035 جنيهًا، بينما سعر الشراء 7987 جنيهًا. 

بينما عيار 21: سعر البيع 7030 جنيهًا، وسعر الشراء 6991 جنيهًا.      

وعيار 18: سعر البيع 6025 جنيهًا، بينما سعر الشراء 5991 جنيهًا.   

أما عيار 14: سعر البيع 4686 جنيهًا، وسعر الشراء 4655 جنيهًا.

ملحوظة هامة: الأسعار بالجنيه المصري وهي بدون مصنعية، بينما تتراوح المصنعية ما بين 100 و150 جنيهًا تقريبًا للجرام حسب السوق والمحل.

كما يجب العلم بأن سعر البيع هو البيع للمستهلك، وسعر الشراء، هو سعر الشراء من المستهلك ( الذهب المستعمل ).

أسعار السبائك الذهبية

ويجب العلم بأن أسعار السبائك هي لعيار 21 والبيع للمستهلك بدون مصنعية بالجنيه المصري

20 جرام       140600 جنيه 

10 جرام       70300 جنيه

5 جرام         35150 جنيه    

أسعار جنيه الذهب

بينما سجل سعر جنيه الذهب نحو 56240 جنيه للبيع وحوالي 55900 جنيه تقريبًا للشراء من العميل، وذلك لعيار 21 وزن 8 جرام بدون مصنعية أو ضريبة أو دمغة مع بداية تعاملات اليوم.

ويجب الأخذ في الاعتبار أن سعر الجنيه الذهب يساوي الذهب الخام، بدون مصنعية أو ضريبة أو دمغة.

نصائح عند شراء الذهب المستعمل

يقول الصائغ عزيز غالي نصيف،شراء الذهب المستعمل ممكن يبقى صفقة ممتازة، أو خسارة كبيرة لو مش فاهم اللعبة.

الغلطة الكبيرة إنك تعجبك قطعة فتدفع فيها زيادة عشان شكلها، الصح: ركّز على الوزن والعيار، لأن دول اللي بيتباعوا بيهم تاني.

واسأل عن “المصنعية” كويس، الميزة في المستعمل إن المصنعية بتكون قليلة أو شبه صفر.

لكن بعض التجار بيحاولوا “يلبسوك” مصنعية وكأنه جديد، اسأله صراحة: “أنا بدفع على الذهب بس ولا فيه مصنعية؟”

علاوة على أن تتأكد من العيار بنفسك، مش كل كلام يتصدق لازم تشوف الختم (21 – 18 – 24) على القطعة، ولو غالي عليك الموضوع، اطلب يتوزن ويتقاس قدامك.

الميزان أهم من أي كلام، اتأكد إن الوزن صافي بدون فصوص أو إضافات (لأن الفصوص مبتتحسبش ذهب).

بالإضافة إلى الشراء من تاجر معروف، مش شرط يكون كبير… بس يكون ليه سمعة، عشان لو حصل مشكلة أو عايز تبيع، تلاقي حد يرجعلك حقك

اسأل عن سعر الشراء قبل البيع، حركة ذكية جدًا .. اسأله: “لو بعتلك تاني هتحسبه بكام؟” لو لف ودار.. امشي فورًا.

الوقت مهم جدًا، اشتري لما السعر يكون هادي أو نازل، مش وقت ما الناس كلها بتجري تشتري (وقت الهلع).

كما أن الهدف يحدد اختيارك، لو للزينة اختار الشكل عادي، لو للاستثمار سبايك صغيرة أو مشغولات بسيطة بدون فصوص.

والأهم، لو انت داخل على الذهب المستعمل كـ “استثمار”يبقى خليك بارد جدًا… ومتتسرعش الذهب بيكسب مع الصبر… مش مع العشوائية.

اقرأ أيضًا: