كتبت: نيفين عمر
هبوط في أسعار الذهب في مصر مع نهاية تعاملات أمس وبداية تعاملات صباح اليوم الأحد 13 سبتمبر 2026، مقارنة بأسعار صباح أمس.
هذا الانخفاض مدفوعًا بهبوط أسعار سوق الذهب العالمي، التي سجلتها في ختام تعاملات أمس، ووسط اقبال منخفض على المعدن الأصفر كملاذ آمن.
أسعار الذهب في مصر
سجل سعر جرام الذهب عيار 21، الأكثر تداولًا وانتشارًا في السوق المصرية، نحو6285 جنيهًا للبيع، وذلك بهبوط قدره 45 جنيهًا للجرام الواحد.
ويظل عيار 21 الخيار الأكثر طلبًا بين المواطنين، خاصة في محافظات الصعيد، بسبب التوازن الذي يحققه بين السعر والجودة سواء للزينة أو الادخار.
وجاءت أسعار الذهب اليوم كالتالي:
وسجل عيار 24 نحو 7181 جنيهًا للبيع و7124 جنيهًا للشراء
أما عيار 21 سجل 6285 جنيهًا للبيع و6234 جنيهًا للشراء
بينما عيار 18 سجل 5385 جنيهًا للبيع و5343 جنيهًا للشراء
وعيار 14 سجل 4200 جنيهًا للبيع و4164 جنيهًا للشراء
وأوضح عدد من تجار الصاغة أن الأسعار المعلنة لا تشمل قيمة المصنعية، والتي تختلف بحسب نوع المشغولات الذهبية والمنطقة، وتتراوح غالبًا ما بين 100 و150 جنيهًا للجرام.
سعر السبائك والجنيه الذهب
سجل الجنيه الذهب عيار 21 الخام بدون مصنعية نحو 50280 جنيه للبيع وحوالي 49880 جنيه للشراء تقريبًا.
سبيكة الذهب وزن 20 جرامًا نحو 125700 جنيه
بينما سبيكة الذهب وزن 10 جرامات نحو 62850 جنيه
أما سبيكة الذهب وزن 5 جرامات نحو 31425 جنيه
نصائح عند شراء الذهب المستعمل
يقول الصائغ عزيز غالي نصيف، شراء الذهب المستعمل ممكن يبقى صفقة ممتازة، أو خسارة كبيرة لو مش فاهم اللعبة.
الغلطة الكبيرة إنك تعجبك قطعة فتدفع فيها زيادة عشان شكلها، الصح: ركّز على الوزن والعيار، لأن دول اللي بيتباعوا بيهم تاني.
واسأل عن “المصنعية” كويس، الميزة في المستعمل إن المصنعية بتكون قليلة أو شبه صفر.
لكن بعض التجار بيحاولوا “يلبسوك” مصنعية وكأنه جديد، اسأله صراحة: “أنا بدفع على الذهب بس ولا فيه مصنعية؟”
علاوة على أن تتأكد من العيار بنفسك، مش كل كلام يتصدق لازم تشوف الختم (21 – 18 – 24) على القطعة، ولو غالي عليك الموضوع، اطلب يتوزن ويتقاس قدامك.
الميزان أهم من أي كلام، اتأكد إن الوزن صافي بدون فصوص أو إضافات (لأن الفصوص مبتتحسبش ذهب).
بالإضافة إلى الشراء من تاجر معروف، مش شرط يكون كبير… بس يكون ليه سمعة، عشان لو حصل مشكلة أو عايز تبيع، تلاقي حد يرجعلك حقك
اسأل عن سعر الشراء قبل البيع، حركة ذكية جدًا .. اسأله: “لو بعتلك تاني هتحسبه بكام؟” لو لف ودار.. امشي فورًا.
الوقت مهم جدًا، اشتري لما السعر يكون هادي أو نازل، مش وقت ما الناس كلها بتجري تشتري (وقت الهلع).
كما أن الهدف يحدد اختيارك، لو للزينة اختار الشكل عادي، لو للاستثمار سبايك صغيرة أو مشغولات بسيطة بدون فصوص.
والأهم، لو انت داخل على الذهب المستعمل كـ “استثمار”يبقى خليك بارد جدًا… ومتتسرعش الذهب بيكسب مع الصبر… مش مع العشوائية.
Share this content:
إرسال التعليق