حبيبتى مصر .. شعر : لواء طيار محمد صلاح

حبيبتى مصر..

بحبك حب مش عادى ..  

يا مصر يا ام النهار نادى ..

بحبك صورة جوايا ..

وبنت لابسه حلق بدلايه ..

بحبك فى صوت الفجر ع المدنة ..

ورنة جرس فى كنيسة فى بلادنا ..

 بحبك حب ماله حدود ..

وجندى صلب ع الحدود موجود ..

يحمى ضهرك من غدر الغدا ..

حالف ليجى النصر ..

وبروحه افتدى ..

حبيبتى مصر..

بحبك والنصر على جبينك غرة ..

علقم فى حلق الحاقدين مرة ..

حبك يا مصر ..

 خلانى اقول تانى ..

انتى عايشه فى قلبى ..

وروحى ووجدانى ..

الله عليكى يا مصر ..  

يا ام الهرم والنيل ..

الله على ولادك عمادك ..

 بيعملوا المستحيل ..

فى عز الزنقه شقينا الرغيف ..

وفى عز ضهر أكتوبر ..

شقينا بارليف ..

اااااااه يا مصر ..

لو تعرفى اد ايه بموت فيكى ..

ونفسى أعيش وأكبر ..

 واموت ليكى ..

 وحياة عيونك ..

 وكل عزقه فاس لأجل عيونك كل شئ بالمداس ينداس .. 

 بحبك ومهما قولت مش كافى ..

شايلك يا مصر ..

 فى قلبى وعلى كتافى ..