كتبت: نيفين عمر
هبوط يضرب أسعار الذهب بسوق الصاغة المصري للبيع والشراء خلال بداية تعاملات صباح اليوم السبت 16 مايو 2026، مقارنة بأسعار أمس.
هذا الانخفاض مدفوعًا بهبوط أسعار سوق الذهب العالمي، التي سجلتها في ختام تعاملات أمس، ووسط اقبال منخفض على المعدن الأصفر كملاذ آمن.
أسعار الذهب اليوم
وسجل سعر جرام الذهب عيار 21، الأكثر تداولًا وانتشارًا في السوق المصرية، نحو 6923 جنيه للبيع للمستهلك، بهبوط قدره 77 جنيه للجرام الواحد.
ويُعد عيار 21 الخيار الأكثر رواجًا بين المواطنين، خاصة في محافظات الصعيد، لما يتمتع به من توازن بين السعر والجودة، سواء لأغراض الزينة أو الادخار.
وجاءت أسعار الذهب في مصر كالتالي:
عيار 24 سجل 7916 جنيهات للبيع و7857 جنيهًا للشراء.
بينما عيار 21 سجل 6923 جنيه للبيع و6875 جنيهًا للشراء.
أما عيار 18 سجل 5929 جنيه للبيع و5892 جنيهًا للشراء.
بينما عيار 14 سجل 4611 جنيهًا للبيع و4583 جنيهًا للشراء.
وأوضح متعاملون في سوق الصاغة أن الأسعار المعلنة لا تشمل قيمة المصنعية، والتي تختلف من محل لآخر بحسب نوع المشغولات والمنطقة، وتتراوح غالبًا بين 100 و150 جنيهًا للجرام.
أسعار السبائك والجنيه الذهب:
سبيكة 20 جرامًا سجلت نحو 138460 جنيه.
أما سبيكة 10 جرامات سجلت نحو 69230 جنيه.
بينما سبيكة 5 جرامات سجلت نحو 34615 جنيه.
أما الجنيه الذهب فقد سجل 55 ألف جنيه للبيع و 54620 جنيهًا للشراء.
ويزن الجنيه الذهب 8 جرامات من عيار 21، دون احتساب المصنعية أو الضريبة أو الدمغة.
سعر الذهب عالميًا
وبحسب أحدث التداولات العالمية، يتحرك سعر أونصة الذهب في نطاق يتراوح بين 4680 و4710 دولارات تقريبًا.
بينما تستقر العقود الفورية للذهب قرب مستوى 4700 دولار للأوقية، مع متابعة المستثمرين لتطورات أسعار الفائدة الأمريكية والتوترات الجيوسياسية العالمية.
نصائح عند شراء الذهب المستعمل
يقول الصائغ عزيز غالي نصيف، شراء الذهب المستعمل ممكن يبقى صفقة ممتازة، أو خسارة كبيرة لو مش فاهم اللعبة.
الغلطة الكبيرة إنك تعجبك قطعة فتدفع فيها زيادة عشان شكلها، الصح: ركّز على الوزن والعيار، لأن دول اللي بيتباعوا بيهم تاني.
واسأل عن “المصنعية” كويس، الميزة في المستعمل إن المصنعية بتكون قليلة أو شبه صفر.
لكن بعض التجار بيحاولوا “يلبسوك” مصنعية وكأنه جديد، اسأله صراحة: “أنا بدفع على الذهب بس ولا فيه مصنعية؟”
علاوة على أن تتأكد من العيار بنفسك، مش كل كلام يتصدق لازم تشوف الختم (21 – 18 – 24) على القطعة، ولو غالي عليك الموضوع، اطلب يتوزن ويتقاس قدامك.
الميزان أهم من أي كلام، اتأكد إن الوزن صافي بدون فصوص أو إضافات (لأن الفصوص مبتتحسبش ذهب).
بالإضافة إلى الشراء من تاجر معروف، مش شرط يكون كبير… بس يكون ليه سمعة، عشان لو حصل مشكلة أو عايز تبيع، تلاقي حد يرجعلك حقك
اسأل عن سعر الشراء قبل البيع، حركة ذكية جدًا .. اسأله: “لو بعتلك تاني هتحسبه بكام؟” لو لف ودار.. امشي فورًا.
الوقت مهم جدًا، اشتري لما السعر يكون هادي أو نازل، مش وقت ما الناس كلها بتجري تشتري (وقت الهلع).
كما أن الهدف يحدد اختيارك، لو للزينة اختار الشكل عادي، لو للاستثمار سبايك صغيرة أو مشغولات بسيطة بدون فصوص.
والأهم، لو انت داخل على الذهب المستعمل كـ “استثمار”يبقى خليك بارد جدًا… ومتتسرعش الذهب بيكسب مع الصبر… مش مع العشوائية.
Share this content:
إرسال التعليق